Şarê Başûrê Kurdistanî vera hêrişanê artêşa Tirkî yê serê Xakurkê û bêvengîya hukmatê Başûrê Kurdistanî reaksîyon da û va, “Merdimê ma yenê kiştene, wazenê erdê ma îşxal bikerê. Ma bi gerîlayam bawer ê.”
Artêşa Tirkî ya îşxalkare 27'ê Gulane ra nata hêriş bi Xakurkê kena. Şarê herême reaksîyon da hêrişanê artêşa Tirkî û bêvengîya hukmatê Başûrê Kurdistanî û ard ziwan, ê bi gerîlayan paştraşt ê û nê vatî:
Kurdo: “Ma dewleta Tirkî erdê xo de nêwazenê. Zaf zirar danê ma. Armancê dewleta Tirkî bi temamî îşxalkerdişê Kurdistanî yo. Keye û bax û baxçeyanê ma veşnayî. Heta nika nêzdîyê 40 merdimê ma şehîd kerdî. No yo ke vera ma yeno kerdene sûcê merdimîye yo. Ma hertimî yenê kiştene. Gerîla bêro kiştene yan zî dewijêk bêro kiştene seba ma ferq nêkeno. Ma dewleta Tirkî ra nêtersenê. Bawerîya ma bi gerîlayan esta, bawarîya ma bi şarê ma esta.”
Sîraç: “Ma her serre seba ke derbarê xo şinê wareyan. Dewleta Tirkî ya îşxalkare her serre merdiman bombardûman kena. Heywanan bombardûman kena. Ma binê nê şertanê giranan de cuya xo dewam kenê. Erdê ma îşxal kerd, bombardûman kenê. Ma naye qetî qebûl nêkenê. “
Şacan: “Ma nêwazenê teyareyê şerî ma û zav û zeçê ma bombardûman bikerê. Ma nêwazenê kesê bînî bi ma zulm bikerê. Erdê ma seba ma her ca ra weştir o. Ma nêwazenê Tirkî bêrê serê erdê ma, nê ca û cangî yê ma yê. Ma wazenê bi rehetîye erdê xo de biciwîyê û heywananê xo biçiraynê. Rîyê nê hêrişanê teyareyanê Tirkan ra xeylî merdimê ma ameyî kiştene. 3-4 neferê ma kiştî.”
