Bire hetê Wezaretê Karanê Zereyî ra ameye dayene. Çarçewa bire de endamê Meclîsê Şaredarîye yê HDPyî Zekî Kanay, Ramazan Ozçelîk û Nursele Orneke wezîfe ra ameyî dûrvistene. Semedê bire hema zî endamanê Meclîsê Şaredarîye reyde nêameyî parekerdene.

21ê teşrîna verêne de endamê Meclîsê Şaredarîya Baglarî yê HDPyî Nurettîn Bakan, Halîme Bayram, Husnu Aslan, Mehmet Akdogan, Panayire Çelîk û Naşîde Buluttekîn Can zî wezîfeyanê xo ra amebî dûrvistene. 8ê teşrîna peyêne de zî herinda înan de qeyûmî amebî wezîfedarkerdene.HDPyî weçînayîşê herêmî yê 31ê Adare de Şaredarîya Baglarî de 30 endamê şaredarîye girewtbî. Rejîmê AKPyî yew bi yew endamîya HDPyî ya meclîsî batal kerde. Bi dûrvisnayîşê wezîfeyî 21 endamê HDPyî Meclîsê Şaredarîya Baglarî yê Amedî de mendî.