Walîyê Wanî Mehmet Emîn Bîlmezo ke herinda hemşaredara Bajarê Pîlî yê Wanî Bedîa Ozgokçe Ertane de sey qeyûmî ame tayînkerdene,  serekê daîreyî yê ke hetê HDP’yî ra ameyî cakerdene wezîfeyî ra girewtî.

Qeyûmê xespkarî ke 12 serekê dayîreyî, sekreterê pêroyîyî û xeylî mudirî wezîfeyî ra girewtî, kesê ke demê qeyûmî de xebityayêne newe ra girewtî. Qeyûmî hetkarê sekreterê pêroyîyî yo verên Ulker Cem Kaplano ke bi qeydanê vengî bertîlgirewtişê ci amebi îspatkerdene sey Mudirîya Pêroyîye ya VASKÎ rê ame teyînkerdene. Salîh Allahverdî zî sey Sekreterê Pêroyîye ame tayînkerdene. Hetê bînî ra polîsan eşt xeylî keyeyan ser û xebatkarê şaredarîye zî tede xeylî kesî destbend kerdî. Reyna  32 kesê ke vizêr protesteyan de ameyî destbendekerdene TEM de yenê tepiştene.