Sûr

Dima ke 21ê kanûna 2019î de hemşaredarê Sûrî Fîlîze Buluttekîn û  Cemal Ozdemîr amebî destbendkerdene Şaredarîya Sûrî ameye xespkerdene û ci rê qeyûm ame tayînkerdene. Endamê Meclîsê HDPyî yê Şaredarîya Sûrî ewro seba kombîyayîşî şîyî şaredarîye. Endaman rê nuşteyê bi tarîxê 21ê kanûne ame pêşkêşkerdene.

Nuşteyo ke hetê qeyûmî ra amebi îmzakerdene de ame vatene: "Wezîfeyê endamanê meclîsî û komîsyonan goreyê qanûnê wezîfeyan hetê endamanê encumenan ra do bêrê kerdene."
Ame zanayene ke caardişo winasên qanûn de çin o.

Cizîr û Hezex

Şaredarîyanê Cizîrî û Hezexî de zî endamanê Meclîsê HDPyî yê şaredarîyan waşt ke şorê kombîyayîşanê şaredarîye. Endamî pîya şîyî şaredarîye la hetê polîsan ra ameyî astengkerdene.

Cizîr de endamê meclîsî yê şaredarîye dekewtişê binaya şaredarîye de hetê polîsan ra ameyî astengkerdene. Polîsan destûr nêda ke endamê şorê kombîyayîşî. Mudiranê şaredarîye ra Suat Ozerî îfade kerd ke kombîyayîş çin o. Endamanê şaredarîye zî vist vîrî ke verê cû qeyûmî encuman reyde bi hawayêkê îlegalî kombîyayîş kerd.

Hezex de zî endamê Meclîsê HDPyî yê Şaredarîya Hezexî verê berê şaredarîye de hetê polîsan ra ameyî vindarnayene. Polîsan îdîa kerd ke şaredarîye de kombîyayîşêk çin o.

Polîsan bi vatişê ''Şima çira ameyî tîya? Eke şima rê dawetîye nêameye erşawitene ameyîşê şima suc o.'' bale ante.