Hemşaredarê Şaredarîyanê Pîlan ê Amed, Wan û Mêrdînî wezîfeyî ra ameyî dûrîfînayene. Her hîrê banê şaredarîye zî binê ablûqaya polîsan de yê. Şaredarîya Amedî rê bi şiknayîşê beranê ci sereştiş ame kerdene.
Şaredarîyê Bajaranê Pîlan ê Amed, Wan û Mêrdînî gerîyayî binê ablûqa.Wezîrîya Karanê Zereyî eşkera kerd ke înan serekê her hîrê şaredarîyan zî wezîfeyî ra fînayî dûrî.
Hemşaredarê Bajarê Pîlî yê Amedî yê Partîya Şaran a Demokratîke (HDP) Selçûk Mizrakli, Hemşaredarê Bajarê Pîlî yê Mêrdînî yê HDP’yî Ahmet Turk û Hemşaredara Bajarê Pîlî yê Wanî yê HDP’yî Bedîa Ozgokçe Ertane wezîfeyî ra ameyî girewtene.
Îradeyê Şarî Yeno Xespkerdene
Dimayo ke hemşaredar Mizrakli wezîfeyî ra ame girewtene polîsan bi şiknayîşê beran eşt Şaradarîya Pîlî ya Amedî ser. Mizrakliyî da zanayene ke ci rê teblîgatêk nêameyo û va: ‘’Saete 6 de berê şaredarîye şikitî û kewtî zere. Ez zî nika şina şaredarîye. Tewirêko vera huqûqî yeno ciwîyayene. Ma vînenê ke ma kewenê demêko neweyî. Qanûnê bingeyênî û weçînitişî nênê naskerdene. No xestpkerdişê îradeyê şarî yo.''
