Rêjîme AKPyî badê xespkerdişê şaredarîyanê  Êlih, Farqîn, Licê, Erxenî û Gêlî Şaredarîya  Norşînî ya Bedlîsî, Şaredarîya Gokçebagî ya Sêrtî û Şaredarîya Halfelî  ya Idîrî   yê ke îdareyê HDPyî de  ê zî xesp kerdî.

Herinda hemşaredaranê Norşînî  Hîkmet Taşdemîr û Dîleke Ozan de qeymeqam Muhammet Furkan Sancaktutar sey qeyûmî ame cakerdene. Hemşaredarê  Gokçebagî Serhat Çîçek ame destbendkerdene û qeymeqam Ihsan Emre Aydin sey qeyûmî ame tayînkerdene. Hemşaredarê Halfelî Hasan Sefa zî ame destbenkerdene  û şaredarîye de qeyûm ame cakerdene.

Pîya bi nînan ewro 8 şaredarîyê Partîya Şaran a Demokratîke (HDP) ameyî xespkerdene.