Qezaya Şaxî ya Wanî de 14 kesî ameyî tepiştene û qezaya Wêranşarî yê  Riha de endamê Meclîsê Şaredarîye yê HDP’yî zî tede 11 kesî ameyî destbendkerdene.

Qezaya Şaxî ya Wanî de 24 kesê ke 26’ê Adere de ameyîbî destbendkerdene înan ra 14 kesî bi îddîaya’Paştdayîşê rexistinî‘ ameyî tepiştene. Nameyê kesanê ke ameyî tepiştene nameyê înan wina yê: Nîhat Babûr, Attar Ertaş Meran Kaplan, Tajdîn Balka, Ozgur Orek, Celalettîn Orek, Fahrettîn Orek, Kasim Başkurt, Abdurrahman Semo, Mehmet Şîrîn Tucî, Hîkmet Tomay, Cemal Tomak, Skender Tafûr û Ismaîl Can.

Qezaya Wêranşarî yê  Riha de de zî saetanê sibayî de polîsan eşt xeylî keyeyan ser. Sereştişan de endamê  Meclîsê Şaredarîye yê HDP’yî Gazal Uluke û Halîl Orhan û endam û îdarekarê partîye yê qezaye Eyup Turk, Alî Elbenim, Eşref Taşkin, Haşîm Erdem, Nurettîn Erînî ya pîya tede 11 kesî ameyî destbendkerdene.