Vizêr Şingal de êzidîyan roşanê xo Çarşema Sor (Çarşema Serê Nîsane) fîraz kerd. Îdareyê Xoserî yê Şingalî Gelîya Kersî ya Sinûne de bi şîarê ''Ma do bi yewîya êzidîyan û ruhê Çarşema Sor xoserîya Şingalî bîyarê ca'' şayîyêke viraşte.

Êzidîyî bi kincanê xo yê tradîsyonelan tewrê şayîye bîyî.

Şayîye rê Yewinanê Xoverdayîşê Şingalî (TBŞ), Yewinanê Cinîyan ê Şingalî (YJŞ) û Têgêrayîşê Azadîye yê Cinîyan ê Êzidîyan (TAJÊ) mesajê xo şawitî.

Hemserekê Îdareyê Xoserî yê Şingalî Nayîf Şimo Êzidîyî roşanê Çarşema Sor Rayberê Şarê Kurdî Abdullah Ocalanî rê, hêzanê Şingalî û pêro şarî rê fîraz kerd. Şimoyî vat: ''Ma hêvî kenê ke na şayîye do biba wesîleya azadîya Rayber Apoyî.''

Qiseykerdişan ra dima koma Çîyayê Şingalî vejîyaye sehne ser. Şayîye bi govendan qedîyaye.