Gerîlayê HPGyî Karker Serbest (Beşîr Akbaş) 12ê hezîrana 2022yî de  Zap de şehîd bi. Karker Serbestî 14ê nîsana 2022yî de wina qisey kerd o.

''Çimê şar û têgêrayîşê ma inkey nê şerî de yo. Ma do dişmenî na herre ra raqilnê, bierzê teber. Ma yew aşme xo dima verdaye û vînenê ke dişmen nêeşkeno aver şiro. Ma do Zap de manayê îşxalkeran bişikinê. Dewleta tirke sere de çeka kîmyewîye heme metodan şuxulnena la rixmê nê vera Gerîlayanê Azadîye yê Kurdîstanî nêeşkena ser bikewo. Xo sey artêşa pîle ya NATOyî ramojno zî tersanêk a. Nêeftana bêro cezanayanê xo zî bîgêro.''

Karker Serbestî xayînîya keyeyê Barzanî zî vist vîrî û vat: ''Eke ma înan rê vajê kurd ma xo ra şarmîyenê. Eleqeya înan pê kurdîtîye çîn a. Dewleta tirke vera PKK nê vera kurdan şer kena. Keyeyê Barzanî zî paştî dano dişmenanê kurdan. Tewr peynî de keyeyê Barzanî çar embazê ma şehîd kerdî. Çîyo winayên têna dişmen keno.''

Gerîla Karker Serbestî vat: ''Ma do dişmenî bin bifînê. Ma do sey mîlîtananê Rayber Apoyî heta dalpaya peyêne ya gonîya xo şer bikerê û qesasê hemrayanê xo yê şehîdan bigêrê. Ma soz danê ma do vindertiş xo rê bikerê herem. Înan nameyê nê hêrişê îşxalî 'kîlît' nayo pa. Ma zî do nê şerî bikerê kîlîtê berê Îmraliyî.''