Gerîlayê HPGyî Ugur Aceto ke 20ê teşrîna verêne de Şaxê Wanî de pêkewtişêk de şehîd bibi, memleketê ci Êlih de ame definkerdene.

Merdimanê Acetî vizêr serê sibayî cenazaya xo Nêweşxaneyê Cigêrayîş û Perwerdeyî yê Dursun Odabaşiyî yê Wanî ra girewt. Cenazaya ke saetanê şanî de resaye Êlihî badê caardişê wecîbeyanê dînîyan ameye ardene Goristanê Asrî yê merkezê bajarî. Polîsan destûr nêda şar tewrê cenaza bibo la badê pêrodayîşanê dergan xeylêk kesî kewtî goristan û qismo zêde teberê goristanî de pawit.