Amed  de bi wesîleya serrgêra hêrişê vera mîtîngê HDP’yî şehîde 5’ê Hazîrane ameyî vîrardene.

Partîya Şaran a Demokratîke (HDP) di rojî verê weçînitişê 7’ê Hazîran a 2015’î  Meydanê Îstasyonî de mîtîngê ‘Merdimîya Girde’ organîze kerd. Mîtîng de hêrişo bombayin ame kerdene û 5 kesan cuya xo vîndî kerde û bi seyan kesî zî birîndar bîyî. Nê hêrişî ser o 4 serrî ravêrtî. Vizêr serrgêra hêrişî de şehîdî ameyî vîrardene. Rêxistina HDP’yî ya Amedî cayê teqayîşî de aktîvîteyêk viraşte. Merdimê şehîdan, parlamenter û hemşaredarê  HDP’yî yê bajarî û xeylî kesî tewrê ci bîyî. Lisa Çalana ke teqayîş de her di lingê xo vîndî kerdî rîyê problemanê weşîye ra tewrê ci nêbîye. Vîrardiş de hemsereka HDP’yî ya bajarî Hulya Ûyanik Alokmena ke qisey kerd şehîdî yad kerdî û va: ‘’Rixmê hêrişê bombayinî Amed a roje  zî qalê qesasî nêkerd û semedê aşitîye û azadîye qêra. Ma xo vîra nêkerd, Pîrsûs, Enqere û Dîlok xo vîra nêkerdî. Ma do bi mucadeleyî waştişê aşitîye biresnê serfirazîye.’’