Koyanê Zapî de 23ê nîsane ra nata xoverdayîşê gerîlayan vera hêrişanê îşxalî dewam keno. Koyê Zapî benê şahîdê çêrîya kêna û lajanê kurdan. Nê çêran ra yew zî Delale Dilxweş a ke 29ê nîsane de Vîyane Botan reyde şehîd bîye.

Wexto ke hêrişanê îşxalî dest pêkerdbi Delale vatbi: ''Pêro embazan de kelacanêko pîl esto. Waştişê tewrbîyayîşî pîl o, no zî moral dano ma. Ez zî wina ya. Seba hedef û armancanê ma rêxistinîya ma esta. Ma do sey bazan hedefê xo kifş bikerê, piro bidê û birijnê. Hemleya Bazanê Zagrosî manena nê terzê pêrodayîşî. Bazî zanenê senî  têbigêrê, terzê seydwanan zanenê. Reyêke bide piro û netîce bigêre.

Terzê pêrodayîşî de hedefê ma o yo ke ma sey bazan bibê. Eke pê nê metodî ma bidê piro, dişmen do aver nêşoro. Ez nêwazena zaf qisey zî bikera la no terzê ma do dişmenî çin bikero.

Sey gerîlayêka Koyanê Zagrosî ez wazena nê esasî ser o wayîrê şehîdan vejîya. Bi taybetî sey gerîlayanê YJA-Starî ma wazenê çalakîyan de tewr vernî de ca bigêrê. No seba ma wayîrê manayêka pîl a.

Seke ma zanenê seba ma pêro cinîyanê dinya çimeyê îlhamî yê. Sey leşkerî oyo ke ma vejeno vernî prosesê winasên ê. Coka ma wazenê rolê xo kay bikerê. Armanc û îradeyê ma nê esasî ser o yê.''