Endamê Komîteya Şehîdan a PKK’yî Dijwar Botan û Orhan Lîtavkî derheqê şehîdanê menga Gulane de ercnayîşî kerdî. Dijwar Botanî ard ziwan ke xeylê serkêşê şarê Kurd û Tirkî menga Gulane de resayê şehadetî û vat, “Seba azadîya Kurdan û Tirkîyayêka demokratîke Mahîran, Denizan û Yusûf Aslanan canê xo feda kerd. Ancî mucadeleyê azadîya Kurdistanî de Hakî Karer, Çarî Ferhat Kûrtay, Necmî Oner, Eşref Anyik û Mahmût Zengîn û hemra Halîl Çavgûn na menge de resayî şehadet. Şehîdê anorê şarî yê. 45 serrê PKK’yî de bi hezaran şehîdê ma virazîyayî. Kurdistan de, cimatê Kurdan de heme destkewteyê ke heta ewro ameyê destfînayene saya şehîdan, PKK’yî û Rayber Apoyî de yê. Naye ra şehîdan rê wayîrvejîyayîş gureyê her kesî yo.”

Orhan Lîtavko ke bi vîrardişê şehîdanê şorişî dest bi qiseykerdişê xo kerd vat, “PKK xeyal û umîdanê şehîdan bica ano. Keda înan keno berze û xo rê sey manewîyat ercneno. Bi nê hawayî mucadeleyê xo keno pîl. Tehemulê dişmenî hemverê mayanê ke halêkê zorî de yê zî çino. Cenazeyanê şehîdanê ma remneno. Şarê ma rixmê heme hêrişan de cenazeyanê xo rê wayîr vejêno. Mayî zî seba wayîrvejîyayîşê ro xoverdayoxanê grevê vêşanîye meydanan de yê. Ma embazanê xo yê ke nê prosesê tarîxîyî de xoverdayîşî mîyan de ca gênê silam kenê.”