Sîpan Xelato YBŞyîj ê ciwanan ra yew bi ke vera fermanê 73î  xo werişt payan ser. Sîpanî hema 17 serre bi vera cerganê DAÎŞî xo ver da. Sîpan ciwanêkê Şengalî bi ke deyîra xo vatêne. Sîpano ke vera fermanan werişt ra, cuyêka xurte, xoverdayox û bêeman peyê xo de verdaye.

Ebdulkerîm Qasim wexto ke tewrê gerîlayan bi hînî bi Sîpan Xelatê koyê Şengalî. Qasim serra 1997î de Şengal de dadîya xo ra bi.

Sîpan ferdêkê komelê êzidîyan bi. Şagîrtanê verênan ê Akademîya Derwêşê Evdîyî ra yew bi û ciwananê verênan ra yew bi ke vera fermanê serê komelê xo werişt payan ser. Sîpanê şaîrî 17 serrîya xo de qirîyayîşo verên ê vera fermanî eşnawit. Tewrê şerî bi û bêmerg bi.

Sîpan rastîya komelê xo sey ''xonaskerdişî'' fam kerde û şer de bi pispor. 

Sîpanî derheqê fermandaranê verênan ê YBŞyî Berxwedan Tolhildanî de şîîrêke nuşte.

Sîpan Xelat destpêk de tewrê YPGyî beno ke vera fermanî seba akerdişê korîdorê merdimîye yê bi hawarê komelê êzidîyan. Dima ke YBŞ awan beno tewrê YBŞyî beno. Heta ke şehîd beno tewrê şerê vera cergan beno.

27ê sibata 2015î de qezayêk de Sîpan şehîd beno. Şerwanê YBŞyî Sîpan Xelat birayanê xo rê wesîyet keno ke tewrê YBŞyî bibê. Di birayê ci zî tewrê YBŞyî benê.

Birayê ey Sîpan Sozdar wina vano: ''Seba ke wayîrê nê mîrasê ey bivejîya û çeka ey erd de nêverda ez tewrê YBŞyî biba. Sîpan dima ke korîdarê merdimîye awan bi tewrê têgêrayîşî bi û çend rey birîndar bi. Ma Başûrê Kurdîstanî de bîyî. Wexto ke keyeyê ma ci ra waşt ke abigêro vat: 'Bi hezaran way û birayê ma destê DAÎŞî de yê. Rewşêka winasêne de ez nêeşkena abigêra.' Sîpanî Şengalî ra û nuştişê şîîran ra zaf hes kerdêne.''

Şehîd Sîpan şîîrêka xo de vano 'mi doz da' û peyê sozê xo de bi hawayêkê bêemanî têkoşîn kerd.