14ê hezîrana 2018î de pawitox û merdimanê wekîlê AKPyî Îbrahîm Halîl Yildizî qezaya Sirûcî ya Riha de hêrişê keyeyî û kargehê Şenyaşarî kerdbi. Roniştişo peyên ê dewa Mehkemeya Cezaya Girane ya 4. ya Meletî de ame kerdene.

Fadiş Şenyaşaro ke hêriş de babî û di birayê ci ameybî qetilkerdene û merdimê Yildizî Enver Yildiz pê rayîrê SEGBÎSî zîndanan ra tewrê roniştişî bîyî.

Avûkatanê Fadil Şenyaşarî pare kerd ke îdîaname de qala hêrişê nêweşxaneyî nêameye kerdene û ganî no îdîaname tepîya bierşawîyo dozegrîye. Avûkatan waşt ke Fadil Şenyaşarî bêro veradayene la mehkeme no waştiş qebul nêkerd û roniştiş taloqê 5ê temmuze kerd.

Pawitox û merdimanê wekîlê AKPyî Îbrahîm Yildizî hêrişê kargehê keyeyê Şenyaşarî kerdbi û nêweşxane de hêrişê xo dewam kerdbi. Hêriş de Haci Esvet Şenyaşar û lajê ey Celal û Adîl ameybî qetilkerdene. Ferît, Memet û Fadil Şenyaşar zî tede 9 kesî birîndar bîyî.