Endamê Komîteya Merkezî ya PKKyî Cemal Şerîkî bi wesîleya 1Ê Gulane ANFyî reyde qisey kerd. Şerîkî kedkarê weşîye yê ke têkoşînê vera janî de merdî yad kerdî û 1ê Gulane roja têkoşîn, paştdayîş û yewîye ya kedkaran û karkeran fîraz kerde.

Qiseykerdişê Şerîkî ra beşêk wina yo:

''Ma 1ê Gulane yê emserî mîyanê şert û mercanê cîyayan de pêşwazî kenê. Raşt nîyo ke no jan raştîya dinya ra cîya bêro ercnayene. Şerê Dinya yo 3. Rojhelatê Mîyanênî de, herêmanê çimeyanê enerjî de yeno kerdene. Herêmanê cîyayan ê dinya de neçarîye ra merdimî modernîteya kapîtalîste rê teslîm bîyî. Mabênê hêzanê îqtîdarî de nakokîyê giranî estê. Hêzê ke Şerê Dinya yê 3. de pîya weriştî pay, cografyayanê cîyayan ê dinya de pê jananê cîyayan vera yewbînan vejîyenê. Nê prosesî de wezîfe keweno milê karker û kedkaran ser ke rewşe bivurnê şerê sosyalîstî û şorişgêrî. Vatişê 'şerî rê bes o' hînî qîm nêkeno. Hanî vera şerî têkoşînê azadîye têkoşîno sosyalîste bêro kerdene. Burjûvazî, hêzê kapîtalîstî têna vera karkeran nîyê ê vera pêro komelî yê, vera xoza yê. Vera modernîteya kapîtalîste ganî şerêko şorişgêr bêro kerdene. Paradîgmaya Rayber Apoyî ya demokratîke, ekolojîke û azadîperwerîya cinîyan nîşanê têkoşînêkê hemparî kena.

Hêrişê qirkerî û kolonyalîstî yê vera Kurdîstanî resayî astêka bêkontrole. Wextêkê winasênî de ke pêro dinya de qedexeyê vejîyayîşê teberîe sto hêzê şerê taybetî hêrişan, qirkerdişan dewam kenê. Mexmûr danê bombayan ver, merdimanê sivîlan qetil kenê, Rojawan danê bombayan ver. Naye ra pêşwazîkerdişê 1ê Gulane heman wextî de vera dewleta tirke ya qirkere ganî xurtkerdişê têkoşînê Kurdîstanî û Tirkîya bimojnê. Seba naye zî ganî seba têkoşînî îmkanî estbê. Girîng o ke na rewşe bêra dîyene û ercnayene.

1ê Gulane yê emserî de karker û kedkarî dest pê prosesêkê neweyî yê têkoşînî kenê. Ez reyna 1ê Gulane yê kedkar, karker, şaran fîraz kena, şehîdanê Têkoşînê Azadîye û sosyalîzm û şorişî yad kena.''