Endamê Komîteya Merkezî ya PKKyî Cemal Şerîkî derheqê krîzê Rojhelatê Mîyanênî de cewab da persanê ma.

Şerîkî vat: "Rojhelato Mîyanên bi merkezê Şerê Dinya yê Hîrêyînî û no tesaduf nîyo, semedê raştîya modernîteya kapîtalîste ra yo. Wexto ke medenîyetan de krîzêk bêro meydan tesîrê ci cayanê bînan de yeno dîyene. Nê cayan de têgêrayîşê şaran zî yenê dîyene. Nika no ca Rojhelato Mîyanên o. Rojhaleto Mîyanên cayêko ke tede medenîyetê verênî ameyî awankerdene.

Nakokîya Rojhelatê Mîyanênî ya ke nika yena ciwîyayene aslê xo de nakokîya mabênê medenîyetanê demokratîkan û dewletperestan de ya. Nakokîye awanbîyayîşê nê hêzan ra nata dewam kena. Rojhelatê Mîyanênî de mabênê modernîteya kapîtalîste û demokratîke de nakokîye û şer estê û rewşa ci ya nikayêne zî Kurdîstan de xo mojnena. Nê pêro şaranê Rojhelatê Mîyanênî ser o tesîr kenê. Kenê ke şarê herême vera dewletan û hêzanê globalan kom bibê û biresê astêk.

Fikrê Konfederalîzmê Demokratîkî raştîya Rojhelatê Mîyanênî yo. Rayber Apo vano ke Rojhelato Mîyanên eşkeno bibo cayê destpêkerdişî yo ke modernîteya demokratîke tede awan bena. Neteperwerîye û netewe-dewlete raştîya Rojhelatê Mîyanênî nîya. Fikrê Konfederalîzmê Demokratîkî di bingeyan ser o pratîze beno. Bingeyo yewîn rêxistina her neteweye mîyanê xo de yo; bingeyo diyîn zî hemkarîya neteweyan ê dewletanê cîyayan, mîyanê sînoran de pîya ciwîyayîş o. Rojhelatê Mîyanênî de nê bingeyî cara estê. Çiyo girîng no yo ke nê bingeyî çarçewa sîyasî de bêrê mojnayene.

Medenîyeta demokratîke na cografya de xo mîyanê modernîteya demokratîke de îfade kena. Hem dewletê neteweyî hem zî hêzê sermaye yê globalî mîyanê nakokîye de yê. Rojhelatê Mîyanênî de têkoşîno bingeyî mabênê modernîteya demokratîke û modernîteya kapîtalîste de yo. Modernîteya demokratîke xora Rojawan de verê çiman de ya. Vînayîşê modernîteya demokratîke ya Rayber Apoyî û Konfederalîzmê Demokratîkî hêzanê globalan tersneno. Zanenê ke caardişê nê fikrî do biba peynîya sîstemê înan.

Hêrişê vera Rojawanî de berpirsîyarîya pêro şaranê Rojhelatê Mîyanênî esta. Çunke rêxistinbîyayîşê Konfederalê Demokratîkî yê Rojawanî verê çiman de bi. No heman wextî de ameyoxê şaranê Rojhelatê Mîyanênî yo. Rojhelatê Mîyanênî de û Kurdîstan de ma wextêk de yê ke têkoşînêko xurt esto. No zî nîşan dano ke ma nêzdîyê azadîye yê. Nika semedê serkewtişî ganî ma têkoşînê xo bikerê xurtêr."