Gerîla Zeynepe Amanos Heftanîn de dişmenî rê rehm, hêsir û hîsê xo nêmojnayêne. Çunke Heftanî de cayê înan çinbî. Heftanîn werteyê cengî bi. Zeyno Girê Qertalî de şerwana sûre ya azadîye bîye.

Zeyno vera înanê ke seba ke canê embazan bigêrê ameybî, yew bi yew şer kerd. Yew bi yew înan ra hesab persa. Gerîla Zeynepe Amanos zeman çin kerdbi.

Gerîla Zeynepe Amanos têna guleyî nêeştêne dişmenî hetêkî ra zî xîret kerdêne ke embazanê xo yê birîndaran bixelisna. Goreye Zeynepe ganî şerwanî heta peyêne cuye bipawê, seba cuye isrardar bibê û eke ' hele' ameya ganî xo erdê xo rê feda bikerê.

Zeynepe seba ke embazanê xo bixelisna hende têgêrayêne ke pê gonîya xo nêhesîyaye. Pêro embazê xo yew bi yew kerdî verarê xo û gonîya înan pê şûtikê xo pakî kerdî.

Îşxalkerî 11ê temmuze de ê girî ra nêameyî war. Çunke bedenê înan ê bêcanî erdê Kurdîstanî de dergkerde bîyî. Girê Qertalî çimê xo  xoverdayîşê gerîla Zeynepe, gerîla Evîne, Şoreş, Gever û Hozanî rê akerdî.

Çeka Zeynepe destê ci ra ginaye erdî ro û pê ezametîya şerwanan û pê  rindîya Heftanînî qîraye: ''Biciwîyo Serek Apo!'' Pê gijikê xo yê kekî bedenê embazanê xo antî.

Û zeman xo verda verarê cinîyan ê xoverdayoxan.