Hêzê YBŞ û YJŞyî roja awanbîyayîşî ra heta ewro Şingal pawenê. PDK bi taybetî wextanê peyênan de veraYBŞ û YJŞyî propaganda keno wazeno ke nê hêzan herême ra çin bikero.

Şerwananê YBŞyî derheqê mesele û peymana Bexdad-Hewlêrî ya seba Şingalî de ANFyî reyde qisey kerd.

Şerwanan ard ziwan ke YBŞ wayîrê ê hêzî yo ke eşkeno wareyê xo bipawê û hewceyê înan pê hezêkê bînî çin o.

Şerwananê YBŞyî Şahîn, Berxwedan, Egîd, Dilbirin û Êrişî wina qisey kerd:

''YBŞ laj û kênayê êzidîyan ê. 300 şehîdê ma estê. Ma sey şarê Şingalî qebul nêkenê ke kesê ke kede nêdaya derheqê ma de bire bidê. Ma 6 serran ra nata  Şingal pawenê. Hewceyê ma pê pêşmergeyan yan zî pê hêzêkê bînî çin o. Wa çew derheqê Şingalî de bire nêdo. Ma qebul nêkenê le Şingal bibo babeta bazarîye.

Ma serê nê erdê fîrazî de YBŞyî ra berî hêzêkê bînî qebul nêkenê. Serra 2014î de pêşmergeyî remayî. Ê wextî ra nata ma sey YBŞ pawitişê xo kenê. Ma xo rê bes ê.

Ma wazenê hînî şarê ma abigêro Şingal û tîya de xo ver bido. Wa ê merdimê ke erdê ma rot nêrê tîya. Ma eşkenê bi sereyê xo erdê xo bipawê.''