Dewanê Danzî û Kurukaymakî û deweka Koçerî yê qezaya Xozatî ya Dêrsimî de 17ê tebaxe de netîceya operasyonê leşkerî de şewatî dest pêkerdbi. Şewato ke 12 rojî yo dewlete mudaxaleyê ci nêkena û nêverdena şar bi îmkanenê xo zî hewna bikero, resa dewanê Uzunçeşme û Kaperî.

Şewato ke hîrê nuqtayanê cîya cîyayan de dewam keno her roje herême ra vila beno. Walîtîya Dêrsimî perey îdîa kerdbi ke semedo ke rayîr çîn o, ê nêeşkenê xo biresnê warê şewatî, nêeşkenê şewatî hewna bikerê. Walîtîye eşkerayîya xo ya vizêrîne de zî îdîa kerd ke înan di nûqtayan de şewat hewna kerd. Reyna eşkerayîye de ame îdîakerdene ke no şewat xo bi xo vejîyayo.