Şewato ke dewanê Danzî û Kurukaymakî û deweka Koçerî yê qezaya Xozatî ya Dêrsimî de 17ê tebaxe de netîceya operasyonê leşkerî de vejîya resa dewanê Uzunçeşme, Degîrmendere, Derekoy û Kaperî yê Pulurî . 12 rojî yo dewlete mudaxaleyê ci nêkena û nêverdena şar bi îmkanenê xo zî hewna bikero.

Şarê herêmî  da zananeye ke 16ê tebaxe wesyîtê biçeke û bêmerdimî yê hewayî (SÎHA) herême hîrê rey bombarduman kerde û 17ê tebaxe de zî helîkopteran herême ser o adir varna. Netîceyê hêrişan de şewat vejîya. Hemwelatîyan ard ziwan ke dewlete nê semedê hewnakerdişî mudaxaleyê şewatî kena nê zî verdana şar mudaxale bikero û vat warê daristanî vêşayî bîye wele.

Dewijê ke Karperî zî vat: ''Dewa ma 1994î de ameye vêşnayene û di serrî yo ma agêraye dewa xo la eke verê şewatî nêro girewtene şewat do heta siba bireso dewa ma. Reyna dewekê Çamurek û Hinzorî yê ke 1994 de ameybî vengkerdene  ê vêşayî.  Hergo yew bahanê vînenê û ma xapînenê. Cara mudaxaleyê şewatî nêkenê. Ganî hewayî ra mudaxale bêro kerdene ke şewat bêro hewnakerdene.''