Meclîsê Xoserîya Demokratîke yê Şingalî, Temsîlkarîya Êşîran, Partîya Azadî û Demokrasî ya Êzidîyan (PADÊ) û Yewinanê Xoverdayîşê Şingalî (YBŞ) ra heyetêk verê xo da Bexdadî ke vera hukmatê Iraqî, Parlamento û partîyanê sîyasîyan nêrazîbîyayîşê xo bimojnê.

Dima ke heyet Bexdadî ra agêra Şingalî serekê heyetî Qasim Xelefî derheqê pêvînayîşanê înan de ANFyî rê qisey kerd.

Qasim Xelefî vat: ''Ma Cigêrayoxê Serekê Parlamentoya Iraqî, Cigêrayoxê Serekwezîrî, Partîyanê Şîayî yê Iraqî û Fermandarê Pêroyî yê artêşa Iraqî reyde tay pêvînayîşî kerdî. Ma înan rê vat ke êzidîyê Şingalî na peymane qet qebul nêkenê. Înan zî vat ke êzidîyî paştî danê peymane la xebera ma zî peymane ra çinbî. Fermandarê artêşa Iraqî zî çend sozî dayî ma û vat 'bire bira şarî ya.' ''

Xelefî peynîya qiseykerdişê xo de bale ante ser ke partîyanê şîa û sunnîyanê Iraqî zî da zanayene ke xebera înan pê na peymane çinbî û ê paştî nêdanê peymane. Xelefî eşkera kerd ke YNKyî zî înan rê îfade kerd ke ê paştî nêdanê peymana Şingalî.