Xoverdayîşê gerîlayan ê vera hêrişanê îşxalî yê serê Herêmanê Pawitişî yê Medya dewam keno. Gerîlayê YJA-Starî Jiyane Amed ANFyî rê qala hêrişanê îşxalî yê dewleta tirke û xoverdayîşê gerîlayan kerde. 

Gerîla Jiyane Amed vat: ''Şima kam ê ke erdê ma de ma do biqedînê? Eke nê erdî ser o yew estbo ke ganî bêro qedînayene û tasfîyekerdene o zî dewleta tirke ya. Embazê ma xoverdayîşêkê xurtî kenê û îradeyêkê pîlî mojnenê. Tîya erdê ma yo.

Dewleta tirke ya îşxalkere cara zanena ke nê şerî de bin kewta. Ma ra yew zî bimano ma do heta peyênî xo ver bido. Tîya Kurdîstan o, senî ke şarê kurdî vera kesî sereyê xo nêardo war ma zî do vera îşxalî sereyê xo nêarê war.''