Hêzanê Iraqî hêrişê nuqtaya Asayîşê Ezidxanî yê bajarekê Sinune yê Şingalî û hêzanê YBŞyî kerd. Naye ser o pêkewtişan newe ra dest pêkerd.

Artêşa Iraqî serê sibayî xîret kerd ke bi hêzêkî derbazê Sinûnî biba. Coka serê nuqtayanê Asayîşê Êzidxanî de reyna şer qewimîya û şer hema zî dewam keno.

Artêşa Iraqî bi zorî xîret keno ke milê Tirbika ra derbazê qezaya Sinûnî biba. Hêzê Asayîşê Êzidxanî û şerwanê YBŞ-YJŞyî cewab danê hêrişan. Şer dewam keno. Artêşa Iraqî serê sibayî bi 25 wesayîtan derbazê Medêbanî û sînorê Şingal-Rojawanî bîye. Mîyanê wesayîtan de tank û çepê giranî zî est bîyî.

Vizêr zî Sinûn de hêrişê artêşa Iraqî ra dima şerêko kilm qewimîyabi û artêşa Iraqî neçare mendbî ke xo apey bianca.

Artêşa Iraqî 18ê nîsane de Şingal de hêrişê tay noqtayanê Asayîşê Êzidxanî kerdbi.