Şingal de serê sibayî raydayîşî dest pêkerd. 52 merkezan de 427 sindoqê raydayîşî akerde yê. Venga 68 hezar weçinîtoxan ame dayene ke raya xo bidê.

Labelê xeylêk merkezanê raydayîşî de bi bahaneyanê teknîkan raydayîş ame astengkerdene. Dîya zanayene ke 21 merkezan de raydayîş ame astengkerdene û kesê ke wazenê raya xo bidê namzetê PADÊ Şêx Semîrî yenê astengkerdene.

Rixmê pêro astengîyan zî şarê Şingalî bi qerardarî şino sindoqan ser.

Endama Îdareyê Torra Hetkarîya Cinîyan ê Êzidîyan Ferîde Şengalî pare kerd ke ê plananê PDKyî hol zanenê û vera nînan şinê sindoqan ser ke îradeyê xo bimojnê.

Yeno vatene ke artêşa Iraqî û PDKyî serê sibayî kesê ke kampan de manenê ardî Şingalî ke raya xo bidê namzetê PDKyî Doktor Macît.