Îdareyê Xoserî yê Demokratîkî yê Şingalî bi eşkerayîyêke vist vîrî ke 13ê teşrîna peyêna 2015î de Şingal pê qehremanîye û têkoşînê bîlî çeteyanê DAÎŞî ra ame xelisnayene û nê pare kerdî:

''Na game serkêşîya gerîlayanê azadîye, şervananê YPG-YPJyî û hêzanê YBŞyî de ameye averberdene. Şingal kuçe bi kuçe, keye bi keye, game bi game  ame azadkerdene. Ma verî şehîdanê na hemleya têkoşînî bihurmet yad kenê û soz danê ke ma do Şingalê azad û xoserî biafernê. Şarê êzidî zîncîrê koletîye şikitî.  Semedê Şingalê azad û xoserî gamê pîlî ameyî eştene.  Nê qewimîyayîşî pê bedelanê girdan bîyî.  Coka ganî ma xetanê xîyanet û têkoşînî serrgêra 7. ya xelisnayîşê Şingalî de reyna bîyarê xo vîrî.''

Îdareyê Xoserî vîst vîrî ke PDKyî hema ke yew gule zî nêteqnabi Şingalî ra rema û vat: ''PDKyî xeta xo ya xîyanetî domna. Hemleya azadkerdişê Şingalî de waşt na xeta xo bidomno. Şarê êzidî xîyanetê PDKyî sey xîyanetê girdî hesibneno. PDK a roje ra nata vera êzidîyan xîyanetê xo domneno.''

Eşkerayîye de ame vatene ke înanê ke Şingal kerdêne azad raştê hêrişanê PDK û dewleta tirke ameyî û ca dîya nînan: ''Dewleta tirke hem hêrişê şarê êzidîyan hem zî hêrişê gerîlayanê azadîye kena. Serkêşê ma yê sey Şehîd Şeîd, Mam Zekî, Zerdeşt Şingalî yê ke Şingal kerd azad  û gerîlayê azadîye yê ke rolê înan azadkerdişê Şingalî de est o hedefê dewleta tirke yenê hedefgirewtene. Ma serrgêra xelisnayîşê Şingalî de soz danê ke şar û şehîdanê xo ke bedelê ci çi beno wa bibo ma do Şingalê azad û xoserî biafernê. Têkoşînê Şingal û gerîlayan do ser bikewo.''