Hêrişê dewleta tirke ya îşxalkere yê vera Rojawan û Şingalî dewam kenê. Hêriş de banê şarê sîvîlî, fabrîkayî, îstasyonê gazî û merkezê xizmet û weşîye û sîvîlî yenê hedefgirewtene.

Têgêrayîşê Cinîyan ê Azadan ê Êzidîyan (TAJÊ) û meclîsanê şarî yê Şingalî verê banê ke ame hedefgirewtene de eşkerayîye daye.

Eşkerayîye de nê ameyî vatene: ''Seba ke verê nê hêrişan nêgeno ma hukmatê Iraqî û Herêma Kurdîstanî şermezar kenê. Vanê nuqtayê leşkerî yenê hedefgirewene la raştîye de sîvîlî yenê hedefgirewtene. Bîn şewe dayîkêke pîya bi domananê xo ameye hedefgirewtene. Seba ke Serekwezîrê Iraqî êzidîyan ê ke anorê Iraqî yê nêpaweno ma ey şermezar kenê. Şarê êzidîyan heta ke dinya bibo do vera hêrişanê dewleta tirke de milê xo çewt mekero. Bi hezaran bombayan bierzê zî ma do teslîm mebê.''