Meclîsê Xoserîya Demokratîke yê Şingalî (MXDŞ) derheqê qerarê Iraqî eşkerayîye daye û  vat no qerar vera îradeyê komelê êzidîyan bêhurmetîye ya.

MXDŞyî vist vîrî ke  gama ke Erdoganî Iraq zîyaret kerd 26 pêkerdişî ameyî îmzekerdene ke nê qeraran yew zî qefilnayîşê îradeyê sîyasîyî yê êzidîyan bi û qerarê Konseyê Hukmî sey qerarê dewleta tirke hesibna.

Eşkerayîye de wina ame vatene: ''Qeraro ke serrgêra fermanî de ame girewtene yeno manaya dewamê fermanî. PADÊ roja ronayîşê xo ra goreyê qanûnanê Iraqî têgêrena. Heta ewro bi desan kongre û konferansî kerdî û sey fermî tewrê weçînayîşî bîya. Rixmo ke weçînayîşê Meclîsê Bajarî yê Musulî de netîceyo serkewte fîna dest bi derbaya PDK û dewleta tirke dewkewtişê ci yê meclîsî ame astengkerdene. Ma sey Îdareyê Xoserî yê Şingalî vanê ke no qerar netîceya pêvînayîşanê bi dewleta tirke de ame girewtene. No qerar 26 pêkerdişan ra yew o ke mabênê wird dewletan de ameyî kerdene.''

MXDŞyî veng da hukmatê Iraqî ke wa hemkarîya xo bi dewleta tirke vindarne û nê vatî: ''Hemkarîya Iraqî ya bi dewleta tirke do felaketanê girdan bîyaro Iraqî ser û şarê Iraqî bikero cîya. Ganî Iraq cade hemkarîya xo ya bi dewleta tirke biqedîno û cayê şarê xo de vindero. Ma tîya ra veng danê Iraqî ke wa dewleta tirke reyde hemkarîye mekero. Herinda serrgêra fermanî de naskerdişê qirkerdişî de partîya ka îradeyê şarê êzidîyan temsil kena yena qefilnayene. No vera îdaredeyê komelê êzidîyan bêhurmetîye ya. Şarê ma ganî bi heme hêzê xo wayîrê partîyanê xo yê sîyasîyan û dezgehanê xo bivejîyo û vera nê qerarî têkoşîn bikero.''