Ame vatene ke Koyê Cûdî û herêma Besta yê Şirnexî yê ke demo peyên de tim operasyon yeno viraştene, kontragerîlayî faalîyet rayra benê.

Operasyonî  dormeyê  herêmanê Navyan, Narex, Kîron, Avgamasîya, Bûryan û Baveren û Gundikê Melê de yenê viraştene. Hemweltijê ke rîyê oprasyonan ra nêeşkenê şirê hegayanê xo ard ziwan ke înan tîmê ke serranê 90’ine de merdimî remnayêne, înan rê îşkence kerdêne û kiştêne, dîyî. Hemwelatijan ard ziwan ke tîmê ke pîya bi qoricîyan gêrenê tayî kincanê gerîlayanê HPG’yî danê xo ra. Rojanê ravêrteyan de di şiwanê bi nameyê Valî Çevîk û Hekîm Demîr nê dewanê ke qalê înan yena kerdene  ra dewa Bûryanî de bi sîlehan kişte ameyîbî vînayenê. Medyaya paştgêrê hukmatî vatbi ke nê şiwanî hetê PKK’yî ra ameyî kiştene la PKK bi eşkerayîyêk na sucdarî red kerdebi. Timê Hançerî yo ke bi qetilkerdişanê serranê 1990’î amebi naskerde tewr peynî de qezaya Êlke ya Şirnexî de Nehmen Olmez û Ferhat Edîşî qetil kerdbî.