Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî yê dewleta tirke de eşkerayîyêke daye.

Eşkerayîye wina ya:

''Çalakîyê gerîlayanê azadîye yê Kurdîstanî bi ruhê hêrişî û tewirê fedayîyî bêmabên dewam kenê. Hêzê ma Vakurî ra heta Başûrî xeylêk waran de derbanê giranan danê îşxalkeran ro. Çalakîyanê hêzanê ma de 11 îşxalkerî ameyî cezakerdene û 6 îşxalkerî zî birîndar bîyî. Îşxalkeran tunelê şerî 25 reyî pê çekanê kîmyewîyan dayî bombayan vr û 42 reyî zî Warê Xoverdayîşî pê helîkopteran dayî bombayan ver û tede droneyî pernayî.

Hêzanê ma yê Besta seba ke qoricîyan hedef nêkerê bi hesasî û xîretî têgêrayî. Ma reyna na babete de hişyarîya ke Fermandarê MPŞyî dabî, visnenê vîrî. Nê qoricîyî wa na hişyarîye bivînê, bi cidîyetî nêzdîyê ci bibê, operasyonanê vera gerîlayan de ca megêrê û serkêşîya îşxalkeran nêkerê.

Detayê çalakîyan wina yê:

Çarçewa Hemleya Şorişgêre ya Çêranê Botanî ya Şehîd Şervan û Şehîde Diljîne de;

313e gulane de mabênê dewanê Osyan û Aqîrî yê Besta de hêzanê ma da îşxalkeran ro. Seba ke qoricîyê Aqîrî hedef nêbê 31ê gulane de sey hişyarîyêke sabotajêk ame teqnayene. Dima nêmroje îşxalkerî seba cigêrayîşî ameyî nê cayî û hêzanê ma tîya de pê taktîkê sabotajî da înan ro. Na çalakîye de yew pisporê bombayan zî tede 3 îşxalkerî ameyî cezakerdene, 1 îşxalker zî birîndar bi. Na çalakîya seba qesasê şehîdanê ma yê Besta û selamkerdişê Hemleya 1ê Hezîrane ameye kerdene.

Herêma Metîna de;

9ê hezîrane de Girê Ortê de komêka îşxalkeran gêrîyaye binê kontrolê hêzanê ma. Hêzanê ma YJA-starî pê çekanê nêm-otomatîkan û çekanê ferdîyan 4 îşxalkerî ceza kerdî û 5 îşxalkerî zî birîndar kerdî.

10ê hezîrane de Warê Xoverdayîşî yê Girê FMyî de îşxalkerî pê çekanê ferdîyan ameyî pirodayene û 2 îşxalkerî ameyî cezakerdene. O çax îşxalkerê ke waştêne kişteyanê xo bigêrê, ameyî pirodayene û tîya de zî 1 îşxalker ame cezakerdene.

10ê hezîrane de îşxalkerê ke waştêne Warê Xoverdayîşî yê Girê FMyî de ca bidê xo, pê taktîkê suîkastî ameyî hedefkerdene û 1 îşxalker ame cezakerdene.

10ê hezîrane de Warê Xoverdayîşî yê Girê Cûdîyî de helîkoptero ke waştêne leşkeran bîyaro war, raştê mudaxeleyê hêzanê ma ame û netîceya nê mudaxeleyî de helîkopter rema.

mudaxeleyê hêzanê ma ame û netîceya nê mudaxeleyî de helîkopter rema.

Hêrişê kîmyewî û teqaberan ê artêşa îşxalkere;

9ê hezîrane de Warê Xoverdayîşî yê Girê Hekarî de îşxalkeran verê tunelanê şerî yê Şehîd Akîfî de adir vist ta û kerd ke dûyê ci bişawê tunelan. 10ê hezîrane de Warê Xoverdayîşî yê Girê Hekarî de îşxalkeran tunelê şerî yê Şehîd Zemanî 5 reyî dayî bombayan ver. 10ê hezîrane de Warê Xoverdayîşî yê Şehîd Şahînî de tunelê şerî yê Şehîd Hewrê 3 reyî dîyayî bombayan ver. 10ê hezîrane de Warê Xoverdayîşî yê Şikefta Birîndaran pê çeka kîmyewîye 3 reyî û pê teqaberan 4 reyî dîya bombayan ver. 10ê hezîrane de Warê Xoverdayîşî yê Karkerî pê teqaber û çeka kîmeyewîye dîya bombayan ver.

Hêrişê bi obus, hawan, helîkopter û teyarayanê şerî yê artêşa îşxalkere;

9-10ê hezîrane de Warê Xoverdayîşî yê Girê Hekarî, Werxelê, Çemço û Kurojahro û Çîyareşî, 10ê hezîrane de Warê Xoverdayîşî yê FM, Girê Cûdî, Werxelê, Girê Rûbar, Qele, Çiyareş, Çemço, Kurojahro û Şikefta Birîndaran û 11ê hezîrane de Warê Xoverdayîşî yê Girê Cûdîyî dîyayî bombayan ver. 11ê hezîrane de Warê Xoverdayîşî yê Girê FM, Kurojahro û Şikefta Birîndaran de droneyî têgêrayî.

Warê Xoverdayîşî yê Girê FMyî de îşxalkerî qestî ra daran birnenê û warî vêşnenê.''