Dewleta tirke ya îşxalkere pê çekanê kîmyewîyan hêrişê Herêmanê Pawitişî yê Medya kena. Îşxalkeran 28 rey pê çekanê kîmyewîyan û teqaberan û 26 rey pê teyarayan û helîkopteran tunelê şerî dayî bombayan ver.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye û nê pare kerdî:
Metîna
''Warê Xoverdayîşî yê Girê FMyî de 9ê hezîrane de îşxalkerî ameyî pirodayene. Çalakîye de 2 îşxalkerî ameyî cezakerdene. Îşxalkeran xo mîyan de pîya bi tirkî kurdkî û erebkî qisey kerdêne. Eynî roje Warê Xoverdayîşî yê Girê Hakarî û Girê Cûdîyî de zî îşxalkerî pê çekanê giranan ameyî pirodayene.
Zap
Warê Xoverdayîşî yê Şehîd Şahînî de 8ê hezîrane de îşxalkerî bi taktîkê sûîkastî ameyî pirodayene. Çalakîye de îşxalkarêk ame cezakerdene. Warê Xoverdayîşî yê Karkerî de zî hêzanê ma yê YJA Starî 9ê hezîrane de çalakîye kerde, îşxalkerêk ame cezakerdene. Eynî roje vera şan tîya îşxalkerî reyna ameyî pirodayene. 10ê hezîrane de îşxalkeranê ke waşt tunelanê şerî yê Şehîde Hewrê bombarduman bikerî hetê hêzanê ma ra ameyî pirodayene. Badê çalakîye îşxaakerî remayî biyî vila.
Bombarduman
Dewleta tirke ya îşxalkere 8-9 û 10 hezîrane de Warê Xoverdayîşî yê Şikefta Birîndara, Kerker, Şehîd Şahîn, Werxelê, Girê Ortê, Girê Amedîye, Çemço, Girê FM, Girê Cûdî û Kurojahro bi desan rey pê çekanê kîmyewîyan teqaberan, teyarayanê şerî, helîkopteranê hêrişî û obusan dayî bombayan ver.''
