Kawaya Asinkarî ra heta Mazlûmî û Sarayan roja Newroze bi xoverdayîşî yena fîrazkerdene. Naye ra Newroze ganîbîyayîşê şarê kurdî ya. Teqîbkerdoxê nê xoverdayîşî gerîlayê Kurdîstanî yê. Adirê Newroze koyanê Kurdîstanî de ame tavistene û bi şayîyêke roja ganîbîyayîşî ameye fîrazkerdene.

Gerîlayê HPGyî Hogir Amedî vat: ''Sere de yê Rayber Apoyî ez Newroza pêro embazanê xo fîraz kena. Ma pêro rêçê nê xoverdayîşî de şorê. Her parçeyanê Kurdîstanî de ma do xoverdayîş û têkoşînê xo pîlêr bikerê û dişmenan erdê xo ra bivejê. ''

Şayîya gerîlayan bi girewtişê govendî dewam kerd Gerîlaya YJA-Starî Berfîne Efrîn vat: ''Roşanê Newroze tim pê xoverdayîşî yeno fîrazkerdene. Ma na Newroze de ancî sozê serkewtişî danê. Na serre do biba serra azadîya Rayber Apoyî û şarê kurdî.

Gerîlaya YJA-Starî Sarîna Urfa vat: ''Embaze Sara, embaze Sema û bi hezaran cinîyê rêkoşerî bîyî sembolê xoverdayîşî. Ma rêçê înan ser o adirê Newroze geşêr bikerê û têkoşînê azadîye de qesasê înan bigêrê. Na Newroze de îdîaya ma azadîya Rayber Apoyî û yê şarê ma ya.''