Gerîlaya azadîye Roza Hêlîn warê xoverdayîşî yê qedîmî de Dêrsim de dadîya xo ra bîya û pê kulturê Dêrsimî bîya pîl. Dima meseleyanê ekonomîkan ra şîye Ewropa. Ewropa de têkoşînê azadîye şinasna û verê xo da koyan.

Gerîla Roza koyan de seke cewherê xo dî. Roza Hêlîn bi tewirê xo yê esîlî, bi zerrînizmî û rindîya zerrîya xo zerrîya embazanê xo de ca girewt.

Duran Kalkanî seba aye wina vatbi: ''Embaze Rûken tim rîyê ci huyayêne. Ewropa ra tewr bibî. Bi taybetî vera Komployê Mîyanneteweyî xeta Zîlane de bîye milîtanêka rayber û fedayîye û wina tewra gerîlayan bîye. Nê esasî ser o Hêzanê Taybetan de ca girewt û wextêkê dergî perwerde dî. Xeylêk waran de zî perwerde da. Embaze Roza rêzdar, wayîra krîteran, bidîsîplîn û bisîstem bîye. Şerwanêka xurte, sekbanêka jîhate bîye.''

Seyîtxan Dêrsimî zî wina vat: ''Her baxçe de bi seyan gulî estê la tay gulî taybet ê. Emabze Roza zî mîyanê gerîlayan de wina bîye. Tewirê aye sey Munzurî bi. Embaze Roza dewa Eynikî ya qezaya Çemişgezekî de, dormeyê Hadîşerî de keyeyêkê kedkar, welatperwer û ercîyayeyî de bi kulturê Dêrsimî, bi bawerîya elewîyan bîye pîl. Hem kirmanckî hem zî kurmanckî zanayêne. Kulturê xo xo vîrî ra nêkerdbi.''

Arjîne Dêrsim: ''Rindîya aye ya zere û teberî bibî yew. Zerrînizm bîye, perwera erjanê merdimîye bîye. Her çi bi bawerîyêka pîle, bi çoşêk kerdêne. Xeta PKKyî de bi felsefe û îdeolojîya Rayberîye xo xurtêr kerd.''