Hemşaredarê Mêrdinî Ahmet Turko ke herinda ci de qeyûm amebi tayînkerdene Konferansê Îdareyan ê Herêmîyan ê HDPyî de qisey kerd.

Ahmet Turkî da zanayene ke sey serranê 90an ewro zî vera sîyaset û şarê kurdî teda û qirkerdişî dewam kenê. Turkî vat: ''Rixmê hende çîyan zî ewro partîya ma HDP hêvîya şarî yo. Ê pê polîtîkayanê qeyûman xîret kenê ke ma û şarê ma yewbînan ra dûrî bivisnê. Ewro pêro karmendê qeyûmî bertîl û bêusûlîye ra yenê muhakemekerdene. Armancê înan teslîmgirewtişê îradeyê şarî yo. Eke ma xebata îdareyê herêmî bi hawayêkê hîrayî bikerê ma do têkilîya xo ya bi şarî xurtêr bikerê.''

Ahmet Turkî dima zî bale ante nîqaşanê 'çareserîya meseleya kurdan de muxatab kam ê' ser û vat: ''Semedo ke na mesele bi hawayêkê haştîyaneyî çareser biba ma tim xîret kerd û bedelê giranî dayî. Ewro Tirkîya de çew bê HDP bibo îqtîdar. Coka semedo ke meseleya kurdan bêra çareserkerdene ganî verî estbîyayîş, nasname û ziwanê kurdan bêrê qebulkerdene. Ge ge nîqaşê muxatabîye yenê kerdene. Muxatan şarê ma yo û aktorê têkoşînê şarê ma yê. Bi nê hawayî ma na babate qedînenê.''