Akademîsyena Zanîngehê Silêmanî Roşna Cemal Mehmûda ke jenosîdî ser o xebitîyena û derheqê qirkerdişê êzidîyan de tezêkî amade kena, derheqê tesîranê çekanê kîmyewîyan de ANFyî rê qisey kerd.

Akademîsyene Roşna Cemal Mehmûd îfade kerd ke goreyê huqûqê mîyanneteweyî şuxilnayîşê çekanê kîmyewîyan qedexe yo. Roşna Cemak Mehmûd ard ziwan ke şuxilnayîşê çekanê kîmyewîyan prosesê jenosîdê vera kurdan de eşkera yo û hema zî dewam keno.

Roşna Cemal Medmûd vat: ''Rewşa Vakurê Kurdîstanî ney zî raşt kena. Xetanê sînorî yê Vakurê Kurdîstanî de nê çekî şuxilîyayî. Çekê kîmyewîyî seba ke eşkenê bi hawayêkê komkî merdiman bikişê qedexe yê. Nika pê nê hêrişan jenosîdê vera kurdan yeno kerdene. Seke mîsalê Helebçe de zî dîyeno tesîrê çekanê kîmyewîyan manenê û wextêkê dergî dewam kenê. Xora armancê şuxilnayîşê çekanê kîmyewîyan zî no yo.''

Roşna Cemal Mehmûd pare kerd ke dewleta tirke kurdan sey 'terorîstî' pênase kena û xo de heq vînena ke vera kurdan çekanê kîmyewîyan bişuxilna. Roşna vat: ''Ganî ma na rewşe biresnê warê mîyanneteweyî. Ganî dosyaya hêrişanê kîmyewîyan bêra resnayene teberê welatî. Ganî her kesî ra ver ma vera çekanê kîmyewîyan têbigêrê û bivisnê rojdemê mîyanneteweyî.''