Derheqê tepişteyê nêweşê şîzofrenî Firat Koçî de ke protestokerdişê qeyûmê Wanî de polîsan ci rê îşkence kerdbi, îdîaname ame temamkerdene. Îdîaname de ame vatene ke Koç nameyê rêxistine 'sûc' kerdbi û ame waştene ke bêro cezakerdene.
12ê tebaxa 2019î de protestoyanê vera qeyûmê Wanî de polîsan pê îşkenceyî nêweşê şîzofrenî Firat Koç tepiştbi. Serdozgerîya Komare ya Wanî îdîanameyê derheqê Koçî de temam kerd. Îdîaname de ame vatene ke Koç rixmo ke endamê rêxistine nîyo rêxistine ser o 'sûc' kerdo û ame waştene ke bêro cezakerdene.
Koçî îfadeyê xo de îdîayî qebul nêkerdî. Avûkatê Koçî Erhan Çîftçîlerî vat: ''Koçî rê îşkence ame kerdene û ganî îşkencekerî bêrê cezakerdene.''
