Ame vatene ke Amed de kesêko 49 serre yo ke mudirê şubeyê bankayêk bi Nêwşxaneyê Perwerde û Cigêrayîşî yê Gazî Yaşargîlî yê Amedî de rîyê nêweşîya Korona ra dinyaya xo bedilnaye.

Goreyê zanayîşanê ke ameyî girewtene hemwelatîyo ke Korona ra dinyaya xo bedilnaye di de rey testê ci  negatîf vejîyayî la hêdî hêdî kuxekê ey  û tengbîyayîşê nefesê ci zêdîya û nêweşîya ci aver şiyî. Nêweşo ke 9 rojî nêweşxane de mend verê mergê ci tewr peynî testê hîrêyine pozîtîf vejîya. Dima ke hemwelatîyo ke mêrdînij o dinyaya xo bedilnaye şubeyê bankaya Amedî ke o tede sey mudir guruyanêne semedê tedbîrî ame girewtene.