Amed de tedawîya 27 xoverdayoxanê grevê vêşanîye û rojeyê mergî yê ke çalakîya înan bi serkewtişî qedîyaye, dewam kena.

Zîndanê Amedî yê Tîpê D’yî ra xoverdayoxê grevê vêşanîye û rojeyê mergî yê ke serkewtişê çakakîye ra dima Nêweşxaneyê Perwerde û Cigêrayîşî yê Gazî Yaşargîlî yê Amedî rê ameyî wedarnayene, tedawîya înan dewam kena. 9 xoverdayoxî vizêr nêweşxane ra vejîyaye.

Xoverdayoxê bi nameyê Adnan Yîgîttekîn, Ahmet Topkaya, Bahattîn Demîr, Ridvan Kaya, Mazlûm Kaya, Cuneyt Aslan, Nîmetûllah Cînkiliç, Sercan Gumuş û Kumrî Tokay reyna ameyî berdene bi zîndan.

Tedawiya nê xoverdayoxan nexweşxane de yena domanyene: Abdûlhalîk Kaplan, Enver Donmez, Ergîn Akhan, Evîn Kaya, Ferhat Tûrgay, Hayatî Uzmez, Hîlal Olmez, Kîbrîye Evrene, Veysî Taşçi, Ahmet Îpek, Mazlûm Teke, Mehmet Aksû, Mehmet Siddik Kivanç, Ramazan Yilmaz, Farûk Akbay, Firat Ertûnç, Mahsûn Sarûhan, Recep Bal, Ahmet Tabû, Mehmet Polat, Servet Kaya, Saban Çelîk, Mazlûm Ekîncî, Mehmet Saît Yîgît, Nûman Sînbag, Recep Ozkiliç û Servet Kiliç.

Yeno pawetene ke 19 xoverdayoxê bînî ke rewşa înan hol a, bêrê berdene bi zîndan. Parlamenterê HDP’yî  Remzîye Tosûne û Salîha Aydenîze yê ke tedawîya xoverdayoxan nêzdî ra teqîp kenê ewro serhekîmê nêweşxaneyî Doç. Dr. Erkan Baysale de derheqê rewşa xoverdayoxan de qisey kerd.