Amed de dimayê cieştişê rayan ê mabenê saetanê  07.00 û 16.00 dibistnan de hûmaritişê rayan dewam keno.  Ame dîyayene ke serekê sindoqan cendirmeyan reyde ameyî edlîyan.

Netîceyê sindoqan ê  merkezê bajarî tewreyanê rayan de hêdî hêdî ameyî edlîya. Bale ante ke, rixmê qedexeyî tewreyanê rayan polîsî tewreyan anê edlîyan.

Êlîh de pawitişê şarî dewam keno

Êlîh de zî padayîşê sindoqan reyde hemwelatijan waşt ke dibistan de hûmaritişê rayan temaşe bikerê labelê polîsan  destûr nêda, rixmê polîsan hemwelatijî dorê dibistanan ra dûrî nêkewtî. Dimayê humaritişan netîceyê sindoqan û tewreyê rayan ameyî  berdene bi Heyetê Weçînayîşê Bajarî. Ame dîyayene ke tayê tewreyê rayan bi wesayîtanê zirxinan benê bi edlîyan, verê edlîyan tedbîrê asayîşan ameyî girewtene.