Amed de xoverdayîş bi slogan û marşan dewam keno

Amed de çarçeweya çalakîyanê vera xespkerdişê şaredarîyanê HDP’yî de Nobeta Demokrasîyî roja 20’ine de bi slogan û marşan dewam kerde.

Nobeta Demokrasîyî ya Amedî ya ke 19’ê Tebaxe ra nata vera xespkerdişê 3 şaredarîyanê bajaranê pîlan ê HDP’yî yena viraştene roja 21‘ine de ya.

Çalakîya ke Kuçeyê Lîse de ameye viraştene bi slogananê xoverdayîşî dest pêkerde. Îdarekarê HDP’yî yê Bajar û qezayan, parlamentere partîye Salîha Aydenîze û Hîşyar Ozsoy, Meclîsê Mayanê Haştîye, aktîvîstê TJA, hemserekê Şaredarîya Bajarê Pîlî ya Amedî Selçûk Mizraklî tewê çalakîye bîyî. Roja 21’ine ya çalakîye de enadamanê şubeyanê KESK û Odayê Tabîban ê Amedî zî paştî daye ci. Dovîzê ke ser o’hemserekîyê xêza ma ya mor a‘‘ û ‘‘destê xo îradeyê mi rê derg meke‘‘ nuştebi destûr nêdîya nê bêrê berdene bi cayê çalakîye la şarî dovîzê xo canêverdayî û bisirar kiriştî. Dimayê çalakîya roniştişî eşkerayîya çapemenîye ameye dayene. Hemserekê HDP’yî yê Amedî Zeyat Ceylano ke eşkerayîye de qisey kerd bale ante dayîkanê ke verê partîya înan ê Amedî  de ronişenê ser û va: ‘‘Wazenê ke ma bi şar û keyeyanê ma biverdê yewbînan la ê do ser mekewê. Ma do nê kayê înan rê mexapê.‘‘ Reyna qiseykerdoxanê bînan zî vera qeyûman reaksîyon ramot û mesajê xurtkerdişê muadeleyî dayî.