Amed de KCD, TJA, DBP, HDP, MED TUHAD-FED, OHD û Dayîkanê Haştîye vera tecrîdê îmraliyî û hêrişanê îşxalî kombîyayîş kerd. Badê kombîyayîşî eşkerayîya çapemenîye ameye dayene. Hemsereka Pêroyî ya DBPyî û Wekîla Amedî Salîha Aydenîz eşkerayîye de nê vatî:

 "Di rojî verî Buroyê Huqûqî yê Asrinî eşkera kerd ke CPT şîyo Îmrali la Birêz  Abdullah Ocalanî  reyde pêvînayîş nêameyo kerdene. Nê semedî ra ma zaf qisawet kenê. Birêz Ocalan 1999î ra nata binê sîstemê îşkence û tecrîdî de yo. Tecrîd çend Îmrali de giran beno, şerê vera kurdan zî xorîyêr beno. Qirkerdiş, merg, operasyonê teberê sînorî û operasyonê qirkerdişê sîyasîyî zêdîyenê. Reyna zîndanan de zî îşkence û zext zafêr beno. Coka ganî sîstemê tecrîdî bêro betalkerdene û Birêz Abdullah Ocalan bibo azad.

CPT ganî cade derheqê pêvîayîşo ke 20ê êlule de kerdo de eşkerayîye bido. Eke Birêz Abdullah Ocalanî pêvînayîş qebul nêkerdo, no zî mojneno ke rewşe senî xirab a. Komel qisawet keno. Ganî cade pêvînayîş bêro kerdene. Birêz Abdullah Ocalan hetê bi mîlyonan ra sey rayberî yeno vînayene. Prosesê 2012-2015î de ma pêrune dî ke Birêz Abdullah Ocalan eşkeno probleman çareser bikero. Ma sey wekîlanê HDPyî muracat kerd ke Birêz Abdullah Ocalanî dir pêvînayîş bikerê. Selahattîn Demirtaş û Hemserekê Pêroyî yê HDPyî Pervîne Buldan û Mîthat Sancar waşt ke pêvînayîş bikerê. Pêvînayîşê pêro feyde kenê la ganî tewr vernî de avûkatî pêvînayîş bikerê. Ma pê bawerê ke eke rayîrê dîyalog û muzakerayan bibo Birêz Abdullah Ocalan eşkeno probleman çareser bikero. Ma veng danê ke wa hes semedê na rewşe hîsgêr têbigêro.  Ma tim vanê, çîyo tewr muhîm azadîya Birêz Ocalanî ya. "