Amedijan warê Newroze de fotografê Rayberê Şarê Kurdî Abdullah Ocalanî akerdî û waşt ke cade Îmraliyî reyde pêvînayîş bêro kerdene. Bi des hezaran kesî warê Newroze de pê slogana 'Wa biciwîyo Serek Apo' qîrênê.
Şarê Newroze pê girseyanê pîlan tewrê Newroze bi. Seba ke qeyûmê talankerî wesayîtî nêdayî şar pê îmkananê xo resa Parka Newroze. Dormeyê parke de polîs û wesayîtê ci ca bîyî.
Şar pê kincanê xo yê neteweyîyayn û tîlîlîyan ver bi warê Newroze şino. Nuqtayanê kontrolî yê polîsan de bi bahaneyê cigêrayîşê bombayî şar bîlasebe yeno pawitene. Bi hezaran kesanê ke maskeyê ''Newroze pîroz bo'' kerdî bi pa dekewtişê warî de dest pê govende kerde. Amedijê ke wazenê wa cade Rayberê Şarê Kurdî Abdullah Ocalan keye û muwekîlanê xo bîvîno slogananê ''Wa biciwîyo Serek Apo'' û ''Wa biciwîyo xoverdayîşê zîndanan'' erzenê.
Endamê Meclîsê Ciwanan ê HDPyî Xaçerêya Yenîhalî de kom bîyî û ver bi Newroze rayîrî ra şîyî. Serê platformê Newroze de bi 8 ziwanan nuşteyê 'Newroze fîraz bo' ame daliqnayene.
Girseyî pê panartanê 'Roja ma rê selam, xoverdayîş dewam o' û 'Newroze ruhê xoverdayîşê Kawayî yo' akerdî.
Bi hezaran kesan fotografê Rayberê Şarê Kurdî Abdullah Ocalanî, alayê PKKyî akerdî. Girseyî waşt ke wa cade Rayberê Şarê Kurdî reyde pêvînayîş bêro kerdene û sloganê 'Biciwîyo Serek Apo' û 'Biciwîyo xoverdayîşê zîndanan' vatî.
Newroze pê deqayêkê rêzgirewtişî û marşê Çerxa Şoreşê dest pêkerde. Serekê Komîteya Amadekarîye ya Newroze Îrfan Sonerî destpêkê şayîye de qisey kerd û Newroza kurdan fîraz kerde.
