27ê sibate de Amed de operasyonê vera Komeleya Kultur, Yewîye, Paştdayîş û Hetkarîye ya bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER)  de 14 kesî ameybî destbendkerdene.

Înan ra  Endamê MEBYA-DERî  Meryeme Soyluya 79 serrî û Hatûne Aslana 71 serrî bi îdîaya 'endamîya rêxistine' ameyî tepiştene. Îdarekarê HDPyî yê Rêzanî Fethullah Işik pê şertê kontrolê edlîyî vera dîya. Wextê nezaretê 11 kesanê bînan ke vizêr sey 24 saetan amebi dergkerdene ewro reyna  hendê 4 rojan  ame dergkerdene.

Hetê bînî ra ewro çarçewa eynî cipêrsayîşî de operasyonê diyînî ame kerdene. Îdarekar û endamê MEBYA-DERî zî tede 16 kesî ameyî destbendkerdene. Seretişan de keyeyê Beşîr Doganî pê kutikan ame cigêrayene. Şarê keyeyî rê heqeret ame kerdene û kutikî sey tehdîtî ameyî şuxulnayene.