Endama Komîteya Zîndanan a PAJKî Gulê Amed Hemleya 'Tecrîd, faşîzm, îşxalî rê bes o, wext wextê azadîye yo' ya KCKyî ANFyî rê ercnaye.

Qiseykerdişê Gulê Amed ra beşêk wina yo:

''Na hemle do biba hemleyêka serkewtişî, mujdeyê azadîya Rayber Apoyî bida û bimojna ke xoverdayîxî eşkenê ser bikewê. Faşîzm têna vera gerîlayan operasyonê leşkerî nêkeno, Başûr û Rojawan îşxal keno, hêrişê HDPyî keno. Zîndanan de bi kerdişanê bêmerdimîye yeno waştene ke îradeyê bi hezaran bêro teslîmgirewtene. Zîndanan de heqê merdiman yenê binpaykerdene. Her hewte tepişteyê nêweşî seba ke nênê weşkerdene mirenê. Her ca de ke tede têkoşîn esto, vera şarê ma hêrişî yenê kerdene. Coka wezîfeyo esas ê şorişgêra no yo ke vera faşîzmî xo ver bidê. Bi des hezaran tepişteyî zîndanan de wayîrê na hemleya xoverdayîşî ya vera faşîzmî vejîyenê û tewrê hemle benê.

Voverdayîşê vera faşîzmî ganî her ca de bibo. Labelê ma wazenê îfade bikerê ke têgêrayîşê ma rojeyê mergî, grevê vêşanîye yê bêdem-bêagêrayîşî yan zî çalakîyanê şesîyanê ke zerar danê weşîya merdiman qebul nêkenê. Înan ra ber her tewirê xoverdayîş û têkoşînî ganî bêro kerdene. Nê do bibê nîşaneya israrê seba cuya rûmetêne.

Xîret yeno kerdene ke her beşê komelî bêro fatisnayene. Coka ganî dezgehî bingeyê pîlkerdişê demokrasî de xo rêxistin bikerê. No do faşîmz qels bikero. Dermanê faşîzmî rêxistinbîyayîşê komelî û çalakîyî yê. Coka ganî tewr zaf rêxistinê komelê sivîlî wayîrê hemle vejîyê.

Dewletê faşîstî bi neteperwerî, dînperestî, pederşahî merdimîye kişenê. Vera naye her kes wa xo rêxistin bikero, têkoşîn pîl bikero.

Ez venga rayaumûmîye dana ke esasê Kurdîstanê azadî, Tirkîya û Rojhelatê Mîyanênî yê demokratîkî ser o vera faşîzm têkoşîn bikera, vera faşîzm cepheyê hemparî awan bikera.''