Emser Newroze bi şîarê ‘Rayberîya Azade, Komelo Demokratîk/Semedê Azadîye Newroza Komelê Demokratîkî’ yena fîrazkerdene. Amed de taxan de şayîya merkezîye ra verî adirê Newroze ame tavistene. Amedijê ke tewrê şayîyanê Newroze bibê înan ajansê ma rê qisey kerd.

Ferît Algin: Ez wazena Newroze do biba wesîleya haştî, edalet, yewîye û wayûbirayîye. Ez Newroza Rayber Apoyî fîraz kena. Newroza çar parçeyanê Kurdîstanî fîraz bo. 

Gulere Tekîn: Zîndanan ra heta koyan Newroza her kesî û Rayber Apoyî fîraz ba. Newroza emserîne ma rê tarîxî ya. Mesajê Rayber Apoyî zaf girîng o. Wa cade dewlete seba nê mesajî game bierza. Ma wayîrê mesajê Rayber Apoyî vejîyenê.

Ahmet Mîter: Şayîyê Newroze bi coşî derbaz benê. Seba haştîye ma waran de yê. Ma wazenê ke merg û qirkerdişî biqedê. Şarê kurdî wayîrê mesajê Rayber Apoyî vejîya. 

Meryeme Soylu: Newroza emserîne cîya ya. Na wa biba Newroza haştî û azadîye. Şarê kurdî 46 serrî yo têkoşîn keno. Coka wa no proses bi pozîtîfî netîce bido. Ganî qalê nê prosesî bi rindî şarî rê bêro kerdene. Seba haştîye wa her kes bixebito.