Amed de heqê nanî 2,5 ra zêdîya bi 3,5. Amedijan vera vaye nêrazîbîyayîşê xo mojna. 

Hemwelatî Murat Yildirimî ard ziwan ke janî ra nata o bêkar o û vat: ''Merdimî senî bieşkê hende pere bidê nanî? Heqê nanî 1 lîra bî 2,5 nika zî bi 3,5 lîra. Ma nê vaykerdişî qebul nêkenê.'' 

Şeyhmus Şîray (75)o ke mamostatî ra teqawut bîyo vat: ''Cara krîz esto merdimê wayîrê domanan nêeşkenê nê pereyî bidê nanî.  Merdimanê feqîran cara têna nan werdêne. Nika ê do nêeşkê nan zî biwerê.''

Vahîbe Avran (58) zî îfade kerd ke a pê meaşa teqawutî debarê xo kena û vat: ''Ma kîra danê û meaşê mi 1300 TL yo. Nê îqtîdarî ra ma na rewşe de yê. Verî ma pê kîloyan girewtêne. Xora o qesre de ciwîyeno xemê ey nîyo.''

Wendekarê zanîngehî Murat Solmazî (20) vat: '' Ganî nan hende vay nêbo. Vaya mînîbuse zî zêdîyaye. Nan hewcedarîya her kesî ya. Ganî heqê nanî kêm bibo. Merdimî tewr nêbo wa nan biwerê.''