Endamê Komîteya Rayberdişî ya KODARî Arîo Berzenî derheqê serewedaritişê şarê Rojhelatê Kurdîstanî û Îranî de ANFyî rê qisey kerd.

Arîo Berzenî xebatê azadîye û felatî seba şarê kurdî qetî bêbedel nêbîyê û vat: ''Şarê kurdî her safhaya azadî û felatî de serkêşîye kerde. Azadîye mesuldarîye wazena, bêguman şarê kurdî na safha de zî mesuldarîyanê xo ana ca. Her cayê Îranî de serewedaritiş est o. Vera rejîmê Îranî bi yew vengî hewarê azadîye est o. Belûcistan, Azerbeycan, Xozistan û pêro dinya de ganî cewabê şorişî bêro dayene.

No neslo newe bi rehetî nêno bêvengkerdene û serbest o. Waştişê înan azadî ya û no nesl amade yo ke seba ney bedelan bido. Coka rejîmê Îranî bi giranî hêrişê nê neslî keno. Ganî ma wayîrê nê neslî vejîyê. Seba neslê neweyî her ca cayê serewedaritiş û têkoşînî yo û no nesl koletîye qebul nêkeno. Rejîmê Îranî wa bizano ke no nesl do zincîrê koletîye bişikno. Erk û mesuldarîya ma ya ke ma paştî bidê nê neslê ciwanan û nînan bişinasnê. Çunke ê do ma îdare bikerê.''