Fermandaranê HPGyî ra Armanc Medî bernameyê taybetî yê Stêrk TVyî de cewab da persanê Bihare Zagros. 

Armanc Medî îfade kerd ke zaf girîng o ke Rayberê Şarê Kurdî Abdullah Ocalanî bi PKKyî game eşte û pare kerd ke hêzê PKKyî wayîrvejîyayîşê na raştîye ra yeno. Armanc Medî bale ante tewirê Abdullah Ocalanî û PKKyî ser û vat ke ê wayîrê erjanê merdimatîye vejîyenê.

Fermandar Medî vat: ''Ganî merdimî PKKyî û Rayber Apoyî hol bişinasnê. Têkoşînê PKKyî bi erjanê şehîdan ame awankerdene. Îşkenceyê zîndanan û xoverdayîşê 14ê Temmuze seba PKKyî îmtîhanê pîlî bîyî la bi serkewtişî netîce bîyî. Xoverdayîşê gerîlayan o nikayên zî mîrasê Xoverdayîşê 14ê Temmuze ser o yeno kerdene.

Taktîkê gerîlayan ê vera artêşa tirke ya îşalkere serkewte yê. Nê prosesî de xeylêk embazê ma yê ercîyayeyî şehîd bîyî. Teda û hêrişê vera şarê ma, tecrîdê vera Rayber Apoyî zî dewam kenê. Ma zanenê ke no şer do zehmet bibo la peynî de ma do ser bikewê. Nê esasî ser o ma do tewrbîyayîşî xurt bikerê û têkoşînê xo biresnê asta tewr berzee. No şer do bi serkewtişî biqedîyo.''