Artêşa tirke Pulur da bombayan ver, daristan de şewat vet

Netîceya bombardumanê artêşa tirke ya îşxalkere de qezaya Pulurî ya Dêrsimî de şewat vejîya.

Herêma nabênê dewanê Gazik û Arcumakî ya qezaya Pulurî ya Dêrsimî de netîceya bombardumanê artêşa tirke ya îşxalkere de daristan de şewat vejîya.

Goreyê agahîyan herême vizêr saete 11:00 de dîyaye bombayan ver û warê daristanî de şewat vejîya. Ame parekerdene ke şewatî rê mudaxele nêame kerdene.