Artêşa Tirkî 22’ê Adare danê şodirî, dewa Şêranişî ya qezaya Zaxo ya Başûrê Kurdistanî bi teyareyanê şerî bombardûman kerdibi. Netîceyê nê hêrişî de keyeyêk rijîyabi û tayê keyeyan zî zerar dîbî.

Hîna serê hêrişî ra rojêk derbaz nêbîyo reyna artêşa Tirkî şewa 29’ê Adare bi hewan û obusan dewî bombardûman kerdî. Hêrişan de keyeyêk rijîya û keyeyanê der û dorî zerar dî. Ame zanayene ke hîrê topî mîyanê dewe de waro ginayî û zeraro zêde dayo dewijan.

Verê cû zî artşêşa Tirkî  Şêladizê, Pirbila ya girêdayîyê Zaxo û dewê Qendîlî bombardûman kerdibî. Rayberîya Başûrê Kurdistanî herinde hîşyarkerdişê dewleta Tirkî de vera hêrişnan bêveng vindeno. Labelê nêrazîbîyayîşê şarî yê vera hêrişan her ke şino zêde beno.